هوس الريان
إستفاقت من نومها من قبلُه، نظرت لثيابها التي تم تبديلها ولا تعلم كيف، لكن علمت أنه من فعل، إغرورقت عيناها بالدمعات فجأة، ظلن تناظره و هو نائم على معدته جوارها وجهه في قبالتها غارق في نومه و عاري الصدر يستند برأسه فوق ذراعه العضلي، بكت حتى تعالى صوتها، ف إستفاق يفرك عيناه ثم تأفف بضيق
يا صباح النكد .. بتعيطي ليه يا أخرة صبري
لم تجيبه بل نظرت له بضيق أكبر تنهمر دمعاتها ثم نهضت من جواره، ف قال بحدة و هو يرفع رأسه عن ذراعه
لما أكون بكلمك تيجي هنا تترزعي قدامي و متسيبينيش و تمشي .. تعالي!
ذهبت له و الخوف يضرب فرائصها جلست جواره تجف دمعاتها مغمغمة بحزن
في إيه!
نام برأسه على ذراعه، يتفحص هيئتها القابلة للأكل بالنسبة له، يود لو أن يقضم تلك التفاحتان على وجهها و الكريزتان تلك أسفل أنفها، يقول بعد شروده بها للحظات
إنتِ اللي في إيه؟! بتعيطي ليه ع الصبح
إنفجرت به تبكي بحُرقة كالأطفال تضرب بذراعيها الفراش جوارها
أنا إتخنقت بقى و زهقت أوي، قاعدين هناك بقالنا كتير و أنا ماما دليلة وحشتني و بابا كمان وحشني أوي أوي
كتم ضحكته يراها تبكي كطفلٍ صغير إشتاق لأمه، ف نهض يستند بظهره على ظهر الفراش جاعلًا من خصره على الفراش، يلتفت لجلواره ليأخذ من علبة سجائره لُفافة تبغ، يُشعلها بقداحته و يقول و هو ينفث دخانها ينظر لها نظرات كالصقر و يفرد ذراعه الأيمن على ناحيتها
طب تعالي .. تعالي هنا
نظرت له بإرتباك، لم تستوعب طلبه من الأساس، حتى أنها تلَبدت و لم تتحرك إنشًا، لتجده يجذبها من ذراعها، مسح على ذراعها علوًا و هبوطًا،
إهدي شوية، مش فاهم أصلًا بتعيطي ليه؟ تعالي قوليلي بكل هدوء أنا عايزة أرجع البيت و هقولك ماشي!
بجد؟! هتوديني!
رفعت رأسها له، دون أن تبتعد عن صدره و هي في غاية إستمتاعها ف قال ناظرًا لعيناها الجميلتان
آه بجد .. بس مش دلوقتي!
قطبت حاجبيها تقول بإلحاحٍ تزيل دمعاتها
إمتى طيب؟
لما أرجع من السفر!
قال و هو ينظر أمامه متحاشيًا النظر لعيناها، ف إن نظر لها يقسم أنه لن يذهب من جوارها، إبتعدت عنه تنظر له للحظات و قد إنقبض قلبها، تُردف بإرتجافةٍ
تسافر؟ تسافر فين؟ من غيري؟!
هتف بإستخفاف
مش صغيرة إنتِ يا ليل عشان أخدك معايا، و بعدين أنا هقعد شهر واحد وهاجي على طول!
أدركت الأمر، ف وقفت على الأرض مبتعدة عنه تقول بحدة و دموعٍ
هو إنت بتتكلم بجد!! عايزني أفضل قاعدة هنا لوحدي لحد م سيادتك تحِن عليا و ترجعلي؟! عايز تحبسني هنا!!!
تابعت بقوةٍ لا تعلم كيف فتلبستها
عايز تسافر إنتَ طريق السلامة .. لكن أنا هرجع البيت و مش هقعد هنا دقيقة واحدة و إنت مش معايا!
كان هادئًا أكثر من اللازم، كان هدوءه يشبه ما يسبق العاصفة، حتى نهض واقفًا أمامها بعدما دنى بخطوات بطيئة، يقول و هو ينفث دخان سيجارته بعيدًا عنها
عايزة ترجعي ليه .. عشانُه صح؟!
طالعته للحظات بيأسٍ .. حتى حاوطت رأسها من الجنبين تنهار في البكاء مبتعدة عنه تجلس في زاوية بالغرفة تبكي بإنهيار على حبٍ ذهب إدراج الرياح .. عشق لن تطوله منه و شك سيظل يلاحقهما، فقدت شتات نفسها، حتى بقيت تضرب على رأسها للدرجة التي جعلت الصداع يشتد به، أسرع هو بالإقتراب
إهدي ها!! أنا مش عايز جنان!
بكت أكثر تاركة كفيها اللذان يرتجافن في يديه تستند برأسها فوق ركبتيها، أشفق عليها .. هي لم تمثل البكاء بحياتها .. ناهيك عن أن شهقاتها تلك من المحال أن تكون زائفة، حاوط وجهها يرفعه له، ف وجد عيناها شديدة الإحمرار ك بقع الدماء إزدرد ريقه يمسح على خصلاتها يقول و قد دغدغ القلق قلبه عليها
إهدي شوية .. محصلش حاجة عشان تعيطي العياط ده كله!
طالعته بسخرية، تبعد وجهها عن مرمى كفيهتضم ركبتيها لصدرها دافنة رأسها في ركبتيها، لا تستطيع أن تبرر له شيء، أو حتى تخبره أنها كانت و ستظل بريئة، لم تقُل أي شيء؛ مما جعله يزداد قلقًا عليها ف قال
قومي طيب .. قومي إلبسي هنروح!
نفت برأسها تقول بصوت شديد البحة
مش عايزة .. عايزة أقعد هنا لوحدي مش هقعد مع حد!
م ببعض من الحنو، يقول
طب إرفعي وشك و بصيلي
نظرت له بنظراتٍ صدمته .. كانت نظراتها كارهة له أو هذا ما ظنُه، مما جعله يقول بهدوء مزيلًا دمعاتها بإبهامه
عايزة تقعدي لوحدك ليه؟
قالت ببكاءٍ
انا مش هستحمل تشك فيا تاني بقى .. أنا تعبت و لو عليا ورحمة ماما أموت نفسي أهون من العيشة اللي كلها سوء ظن دي .. والله لولا إنه حرام كنت موِّت نفسي!
تابعت تعيد خصلاتها للخلف
روح سافر، خد التليفون عشان تتأكد إني مش هكلم حد، و إقفل عليا الباب بالمفتاح حيمكن الشقة تولع و معرفش أخرج و أبقى
مُت و خلِصت بقى!!
صدم من أفكارها السوداوية،
بلاش هبل يا ليل .. أنا مش هسمح إن ده يحصلك
نظرت له تبكي قائلة بصوت ينفطر له قلوب الكافرين ف ما بال هو لا يشفق عليها
أنا مبحبش أقعد لوحدي .. إنت عارف كدا مش بحب أفضل لوحدي دماغي بتودي و تجيب و بقعد أفكر في الساعات اللي قعدتها لوحدي بعد م ماما و بابا راحوا! أنا مش هقعد هناك عشان حد .. أنا عايزة بابا و ماما بس!
ليه كل م بنطلع لقدام خطوة بترجّعنا مية خطوة ل ورا؟ ليه مش قادر تصدق إني بريئة .. ده إنت و ماما و بابا اللي ربتوني .. مطلعني زبالة أوي كدا ليه؟
رفع رأسه لأعلى، هي إن كانت تتعذب هو يتعذب أضعافها، تنهد بألمٍ و لم يقُل شيء، لكنه أخذ ذراعها و نهض يُنهضها معه، يقول برفق
روحي حضّري الشنطة!
نفت برأسها تبتعد عنه، تمسّكت بوجنتيه تقول بهيستيرية
مش هروح في حتة غير لما ترد عليا، إنت ليه بتعمل كدا معايا؟ ليه بتكرهني كدا؟ ده إنت كنت أحن واحد عليا .. .. إيه اللي إتغير .. بالله عليك رد عليا أنا حاسة دماغي هتنفجر من الأسئلة، عشان خاطري و حياة ماما دليلة قولي بس ليه بتعمل كدا
ثُقل قلبه أكثر، أثقلته بالأسئلة .. مما جعله يتهرب مجددًا يحاول الإبتعاد عنها بعيناه و بجسده لكنه مسكت ذراعيها العضليان تقول و هي ترجوه
متمشيش دلوقتي .. قولي أنا عملت إيه لكُل ده؟
بتحبيه!!!
صرخ في وجهها يدفعها بعيدًا عنه، صدمت و وقفت مشدوهة تنظر له، ف تابع بقسوةٍ يشير له
إنتِ إديتي للي كنت بتطمنيله و رباكي بالجزمة، و رورحتي حبيتي واحد في سنك! حبيتيه للدرجة
